«Астон Вилла» ярим ҳимоячиси Дуглас Луис жамоасини ўзгартириши мумкин. Football Insider хабарига кўра, «Арсенал» 23 ёшли футболчининг хизматларига қизиқиш билдирмоқда.

Манбага кўра, «канонирлар» бразилиялик футболчини ёзда ўз сафига қўшиб олмоқчи. Лондон клуби футболчини анчадан бери кузатиб келмоқда.

Қайд этилишича, Дуглас Луис билан АПЛнинг яна бир нечта клублари билан шартнома имзоламоқчи.

Луис 2019 йилдан бери «Астон Вилла»да ўйнаб келмоқда, у «Манчестер Сити»дан 16,8 миллион евро эвазига кўчиб ўтган. Унинг клуб билан шартномаси 2023 йилнинг июнигача амал қилади.

Transfermarkt портали футболчининг нархини 35 миллион еврога баҳоламоқда.

Бразилиялик ярим ҳимоячи жорий мавсумда АПЛда 27 та ўйинда майдонга тушиб, 1 та гол урди ва 3 та голли узатмани амалга оширди.