Manchester Evening News нашри хабарига кўра, «Манчестер Юнайтед» раҳбарлари ёзда «Олд Траффорд»га ўтиши керак бўлган «Аякс» бош мураббийи Эрик тен Хаг ҳақида футболчиларнинг фикрларини сўрашмаган.

Шу билан бирга, ўтган йилнинг кузида Оле-Гуннар Сульшернинг келажаги муҳокама қилинганида, «Юнайтед»нинг асосий юлдузи Криштиану Роналду норвегиялик мутахассиснинг ишидан норозилигини очиқчасига билдирган эди. Португалиялик ўзининг вакили Хорхе Мендеш «Уотфорд»га 4:1 ҳисобида мағлуб бўлганидан кейин Сульшернинг истеъфосига тўлиқ таъсир кўрсатди. Аммо Оле-Гуннар истеъфога чиқарилишидан олдин ҳам Криштиану директорлар кенгашига Антонио Контени бош мураббий этиб тайинлаш ғояси унга ёқмаслигини айтди.

Кейин италиялик ҳозирда АПЛ турнир жадвалида Чемпионлар Лигаси зонасида жойлашган «Тоттенхэм» бошқарувига келди, аммо «Манчестер Юнайтед»нинг кучли 4ликка кириш имконияти жуда кам. Шу сабабдан «Юнайтед» бошлиқлари футболчилардан тен Хаг ҳақида сўрамасликка қарор қилишди, айниқса, кўпчилик ўйинчилар «ПСЖ» устози Маурисио Почеттинони таклиф қилиш тарафдори бўлишгани бунга сабаб бўлган.