Manchester Evening News nashri xabariga ko‘ra, «Manchester Yunayted» rahbarlari yozda «Old Trafford»ga o‘tishi kerak bo‘lgan «Ayaks» bosh murabbiyi Erik ten Xag haqida futbolchilarning fikrlarini so‘rashmagan.

Shu bilan birga, o‘tgan yilning kuzida Ole-Gunnar Sulsherning kelajagi muhokama qilinganida, «Yunayted»ning asosiy yulduzi Krishtianu Ronaldu norvegiyalik mutaxassisning ishidan noroziligini ochiqchasiga bildirgan edi. Portugaliyalik o‘zining vakili Xorxe Mendesh «Uotford»ga 4:1 hisobida mag‘lub bo‘lganidan keyin Sulsherning iste’fosiga to‘liq ta’sir ko‘rsatdi. Ammo Ole-Gunnar iste’foga chiqarilishidan oldin ham Krishtianu direktorlar kengashiga Antonio Konteni bosh murabbiy etib tayinlash g‘oyasi unga yoqmasligini aytdi.

Keyin italiyalik hozirda APL turnir jadvalida Chempionlar Ligasi zonasida joylashgan «Tottenxem» boshqaruviga keldi, ammo «Manchester Yunayted»ning kuchli 4likka kirish imkoniyati juda kam. Shu sababdan «Yunayted» boshliqlari futbolchilardan ten Xag haqida so‘ramaslikka qaror qilishdi, ayniqsa, ko‘pchilik o‘yinchilar «PSJ» ustozi Maurisio Pochettinoni taklif qilish tarafdori bo‘lishgani bunga sabab bo‘lgan.