"Манчестер Сити" биринчи бўлимда "Атлетико Мадрид" дарвозасига аниқ зарба йўллай олмади.
Жамоалар Чемпионлар лигаси 1/4 финалининг жавоб ўйинида тўқнаш келишмоқда, биринчи бўлимдан кейинги ҳисоб 0:0.
“Шаҳарликлар” дастлабки 45 дақиқада рақиб дарвозаси томон 8 марта зарба беришди, бироқ дарвоза томон бирорта ҳам аниқ зарба йўқ.
Эътиборлиси, клублар ўртасидаги биринчи ўйинда ҳам худди шундай ҳолат юзага келган – ўшанда “Сити”да 6 та ноаниқ зарба бор эди. Иккинчи бўлимда Пеп Гвардиола шогирдлари битта гол уришга муваффақ бўлишди.
"Атлетико" жорий ўйинда бор йўғи 1 марта зарба йўллаган бўлса-да, нишонга аниқ етиб борди. Ўтган ҳафтада эса улар бу ишни уддалай олишмаган эди.
