«Барселона» Хорватия терма жамоаси ва «Штутгарт» чап қанот ҳимоячиси Борна Сосага қизиқиш билдирмоқда, деб хабар беради Sport.es.
Манбанинг хабарига кўра, Каталония клуби ёзги трансфер ойнасида футболчи сотиб олиш вариантини кўриб чиқмоқда. Бироқ футболчини сотиб олиш осон бўлмайди, чунки унга «Арсенал» ва «Тоттенхэм» ҳам қизиқиш билдирмоқда.
24 ёшли Соса жорий мавсумда «Штутгарт» сафида барча турнирларда 25 та ўйинда майдонга тушиб, 2 та гол ва 8 та голли узатмани амалга оширди. Унинг клуб билан шартномаси 2025 йилнинг ёзига қадар мўлжалланган.
