«Барселона»да ижара асосида тўп тепаётган «Севилья» футболчиси Люк де Йонг ёзги трансферлар ойнаси арафасида «Атлетико»га ўтиши мумкин.
Ўтган ёзда голландиялик футболчи Антуан Гризманнинг ўрнига «Севилья»дан ижара асосида «Барселона»га ўтганди. «Кўк-анорранглилар» Де Йонгни мавсум охирида сотиб олиш ҳуқуқи билан ижарага олди. Бироқ, Де Йонгнинг трансфери «Барселона» мухлислари томонидан масхара билан кутиб олинди. Футболчи Каталония клубининг асосий таркибида мустаҳкам ўрин эгаллай олмади.
«Атлетико»нинг яна бир ҳужумчиси Луис Суареснинг шартномаси шу ёзда тугайди ва Мадрид клуби уругвайлик футболчининг ўрнига Де Йонгни сотиб олмоқчи. «Севилья» футболчи учун тахминан 5-7 миллион евро сўраши кутилмоқда.
