«Barselona»da ijara asosida to‘p tepayotgan «Sevilya» futbolchisi Lyuk de Yong yozgi transferlar oynasi arafasida «Atletiko»ga o‘tishi mumkin.

O‘tgan yozda gollandiyalik futbolchi Antuan Grizmanning o‘rniga «Sevilya»dan ijara asosida «Barselona»ga o‘tgandi. «Ko‘k-anorranglilar» De Yongni mavsum oxirida sotib olish huquqi bilan ijaraga oldi. Biroq, De Yongning transferi «Barselona» muxlislari tomonidan masxara bilan kutib olindi. Futbolchi Kataloniya klubining asosiy tarkibida mustahkam o‘rin egallay olmadi.

«Atletiko»ning yana bir hujumchisi Luis Suaresning shartnomasi shu yozda tugaydi va Madrid klubi urugvaylik futbolchining o‘rniga De Yongni sotib olmoqchi. «Sevilya» futbolchi uchun taxminan 5-7 million yevro so‘rashi kutilmoqda.