Норвегиянинг "Будё-Глимт" клуби мухлислари «Рома» билан бўладиган ўйинга жамоа бош мураббийининг расми туширилган ниқобда ташриф буюришади.
УЕФА Конференция лигаси чорак финали дастлабки учрашувидан (2:1) сўнг "Будё-Глимт" бош мураббийи Кьетил Кнутсен "Рома"нинг дарвозабонлар мураббийи билан торитишиб қолганди. Ушбу вазиятни ўрганиб чиққан УЕФА ҳар икки мураббийни ҳам дискалификация қилганди.
Бугун Римда бўлиб ўтадиган жавоб ўйинига Норвегия клубининг 1500 нафарга яқин мухлиси ташриб буюрди. nrk.no сайтининг тарқатган маълумотига қараганда, мухлислар Кнутсен тасвирланган 100 га яқин ниқоб тайёрлаган.
«Рома» - «Будё-Глимт» учрашуви Тошкент вақти билан 00:00да бошланади.
