"Ливерпуль" Австриянинг "Залцбург" клуби ҳужумчиси Карим Адейеми учун музокараларга киришди. Немис матбуотининг тарқатган маълумотига қараганда, немис футболчиси келаси ёзда "Энфилд"да пайдо бўлиши мумкин.
Эслатиб ўтамиз, Адейеми бир неча ойдан бери Дортмунднинг “Боруссия” клуби билан музокара олиб бормоқда. Фабрицио Романонинг сўзларига кўра, ҳужумчи "Боруссия" билан шахсий шартнома шартларини келишиб бўлган ва клублар нарх бўйича келишиб олишлари қолган, холос.
Эслатиб ўтамиз, 2020 йилда "Ливерпуль" Такуми Минаминони "Залцбург"дан 8 миллион евро эвазига сотиб олганди.
