Англиянинг “Лестер” клуби дарвозабон Каспер Шмейхель билан шартнома узайтиришни режалаштирмоқда.
35 ёшли даниялик қарийб ўн бир йилдан бери "тулкилар" сафида тўп тепмоқда. Шмейхелнинг клуб билан шартномаси келаси ёзда тугайди ва дарвозабоннинг ўзи фаолиятини якунлашдан олдин ўзини бошқа жамоада ўйнаб кўришга тайёрлигини тан олди.
"Лестер" бош мураббийи Брендан Рожерс клуб тажрибали сардор билан янги шартнома борасида музокаралар олиб бораётганини айтди.
Каспер Шмейхель жорий мавсумда “Лестер” сафида барча мусобақаларда 42 та ўйинда майдонга тушиб, 66 та гол ўтказиб юборган. Умуман олганда, кипер 2011 йилда келганидан бери “тулкилар” сафида 468 та ўйинда майдонга тушган.
