"Аталанта" жамоаси бош мураббийи Жан Пьеро Гасперини Европа Лигасининг 1/4 финал жавоб учрашуви доирасида "Лейпциг" жамоасидан қабул қилиб олинган мағлубият ҳақида фикр билдирди.
“Ўйин тенг бўлди. Биз яхши ўйнадик, кўп ҳужум қилдик, лекин имкониятларимиздан фойдалана олмадик. "Лейпциг" жуда хавфли жамоа. Улар ҳар доим шундай ўйнашади: тез ва шиддатли, жуда ихчам бўлса-да, лекин қарши ҳужумларда кескин югуради. Баъзида улар буни жуда яхши қилишади.
Афсуски, сўнгги ҳафталарда охирги пас ва ҳужумни якунлаш биз учун қийин бўлди. Мавсумнинг қолган ўйинларига тайёргарлик кўрамиз. Чемпионатдаги вазиятни яхшилаш учун кўплаб ғалабаларни қўлга киритишимиз керак” - деди бергамоликлар устози.
