Мадриднинг “Реал” клуби ярим ҳимоячиси Дани Себалmосда COVID-19 тести ижобий чиқди, дея хабар беради Мадрид клуби расмий сайти.
25 ёшли футболчи бугун эрталаб касаллик белгилари туфайли машғулот ўтказмади. ПЦР тести Себальоснинг коронавирус билан касалланганлигини тасдиқлади.
Чемпионлар лигаси 1/4 финалининг "Челси"га қарши жавоб учрашувида (2:3) Себальос қўшимча вақт тугашига беш дақиқа қолганида захирадан майдонга тушди.
2021/22 йилги мавсумда Себальос "Реал"нинг 11 та учрашувида қатнашиб, жами 104 дақиқани майдонда ўтказди.
