"Барселона" президенти Жоан Лапорта Европа лигаси 1/4 финали жавоб ўйинида "Айнтрахт" мухлисларининг "Камп Ноу"даги сони бўйича вазиятга тўхталди.
“Бу шармандалик, келажакда яна бундай воқеалар такрорланишининг олдини олиш керак! Бизда керакли маълумотларнинг фақат бир қисми мавжуд бўлса-да, у таҳлил қилиниши керак. Бу ғалати ва уятли вазият. Бундан буён биз бу масалага янада қаттиқроқ ёндашишимиз керак.
Каталониялик сифатида мен кўрганларимдан уяламан. Жуда кўп мухлислар ташриф буюришига рухсат берганимиздан афсусдаман. Бугун мен ҳақиқтдан уялдим. Биз чора кўрамиз ва бу бошқа ҳеч қачон содир бўлмайди", - деди Лапорта.
