"Челси" ярим ҳимоячиси Жоржиньо "Ювентус" раҳбариятига маоши борасидаги талабларини маълум қилди. La Gazzetta dello Sport нашри хабарига кўра, собиқ "Наполи" юлдузи мавсум учун 7 миллион евро олмоқчи.
Футболчининг "Челси" билан шартномаси 2023 йилнинг ёзида тугайди ва "кўклар" айни дамда Британия ҳукумати Роман Абрамовичга нисбатан қўйган санкциялари туфайли янги шартнома бўйича келиша олмаяпти.
Нашрнинг қўшимча қилишича, футболчининг вакили ва "Ювентус" ўртасида музокаралар аллақачон бошланган.
Турин клуби раҳбарлари ҳозирча футболчининг молиявий сўровларига изоҳ беришмаган.
