"Барселона" бош мураббийи Хави "Камп Ноу" стадионида "Айнтрахт" мухлисларининг кўплигидан норози бўлди.
“Стадиондаги муҳит бизга умуман ёрдам бермади. Бу бизнинг ўйинга ёмон таъсир қилди. Гарчи бу баҳонадек бўлиб туюлса-да, айтишим мумкинки, биз унчалик яхши ўйнамадик. Стадион иккига бўлинганида худди финалга ўхшарди. Бу жуда ёмон таъсир қилди", - дея Хавининг сўзларини келтиради Sport.es.
Каталонияда бўлиб ўтган Европа лигасининг 1/4 финал босқичи доирасидаги ўйинда “Барселона” “Айнтрахт”га (2:3) мағлуб бўлди. Турли ҳисоб-китобларга кўра, Германиядан келган мухлислар сони 20 мингдан 30 мингтагача бўлган.
Икки ўйин (4:3) натижасига кўра, “Айнтрахт” Европа Лигаси ярим финалига йўл олди.
