"Барселона"нинг бўлғуси бош мураббийи Тито Виланованинг айтишича, унга "Реал"нинг ўйини ҳеч қачон ёқмаган, Моуриньо эса ўзининг кўп вақтини футбол зарарига ишлатмоқда.
"Моуриньо - бу ҳеч қачон футбол тўғрисида гапирмайдиган мураббий. Унинг жамоаларида ҳар доим жисмоний жиҳатдан бақувват ўйинчилар ўйнайди, таянч нуқтасида 6 тагача ҳимояга мослашган ўйинчи бўлади.
Менимча Моуриньо шогирдларидан эстетик футбол кутиш қийин. Шунингдек, менга Моуриньонинг кўрсатаётган футболи эмас, ўзининг шахси ҳақида кўп гапириши ёқмайди. Ўйлашимча, буларнинг ҳаммаси ҳеч қачон жуда хоҳлаган бўлсада, юқори савияда тўп сурмаганлигидан бўлса керак.
"Реал" таркиби ҳар доим аъло бўлган, чунки улар бунга биздан кўра кўпроқ сарфлашади. Улар кўрсатаётган футбол мени ҳеч ҳайрон қолдирмайди", - дея Виланованинг сўзларини келтиради La Vanguardia.
