Ҳужумчи Эрлинг Холанд “Боруссия” сафида “Вольфсбург”га қарши ўйинда гол урди.

Норвегиялик футболчи Германия чемпионати 30-туридан ўрин олган “Вольфсбург”га қарши ўйиннинг 38-дақиқасида (5:0, биринчи бўлим) гол урди.

Шу тариқа, 21 ёшли ҳужумчи Бундеслигадаги 5 ўйинлик голсиз сериясига якун ясади. Бугунги ўйин олдидан Холанд сўнгги бор чемпионатда 22 январь куни "Хоффенхайм" дарвозасини ишғол қилган (3:2). У ўша ўйинда жароҳат олган ва 13 мартгача майдонга тушмаган.

Жорий мавсумда футболчи “Боруссия” сафида барча мусобақаларда 26 та ўйинда майдонга тушиб, 24 та гол урди (шундан 17 таси чемпионатда) ва 7 та голли узатмани амалга оширди.