Дортмунднинг “Боруссия” клуби ҳимоячиси Том Роте Германия Бундеслигасининг 30-туридан ўрин олган “Вольфсбург”га қарши ўйинда ҳисобни очди.
Эътиборли томони, 17 ёшли Роте "асаларилар"нинг асосий таркибидаги илк ўйинни ўтказмоқда. Илгари у ёшлар жамоасида ўйнаган.
“Боруссия” ёшлар жамоаси сафида 27 та ўйинда майдонга тушган ҳимоячи 3 та гол ва 11 та голли узатмани амалга оширди.
Ротенинг дортмундликлар билан шартномаси 2024-йилда якунига етади.