"Тоттенхэм" бош мураббийи Антонио Конте АПЛ доирасида "Брайтон" (0:1) жамоасига қарши бўлиб ўтган учрашувда ишлаган ҳакамлардан норози.

“Баъзида ўйлайманки, ҳакам футболчиларнинг ҳимоясига кўпроқ эътибор қаратиши керак. Мен тушунаман: футболчи курашга боради. Аммо тўп учун курашда қисман оёғида ўйнаса, рақибга зарар етказади.

Мен футболчиларнинг хавфсизлиги ҳақида ўйлайман. Ҳакам бунга кўпроқ эътибор қаратиши ва бу масалага тушуниш билан муносабатда бўлиши керак. Агар "подкат"дан сўнг, ўйинчи тўпга ҳам, рақиб оёғига ҳам тегса ва рақиб футболчиси шикастланган бўлса, унда жиддийроқ жазо берилиши керак.

Мен футболчи бўлганман, бу қандай ишлашини биламан. Агар муаммо яратмоқчи ва рақибга жароҳат етказмоқчи бўлсам, тўпга ҳам, танага ҳам тегадиган тарзда ўйнаш учун қулай фурсат топаман. Мен футболчи бўлганман, буни биламан!"

"Брайтон"нинг вақтни чўзиши ҳақида:

“Бундай вазиятда ҳакам яхшироқ ҳаракат қилиши керак. Агар ўйнасангиз бир очко олишингиз мумкин, улар якунда улар ҳатто уч очко олишди. Футболчилар ётиб олса ўйин секинлашишини билишади.

Лекин менимча, кимдир муғомбирлик қилаётганида ҳакамлар ўйин тезлигини бузмасликка ҳаракат қилишлари керак” - деди “Тоттенхэм” бош мураббийи.

"Тоттенхэм" - "Брайтон" учрашувини Крейг Паусон бошқариб борди.