"Барселона" бош мураббийи Хави клубни трансфер бозорида фаол бўлишга ундамоқда.
CCMA маълумотларига кўра, "Челси" марказий ҳимоячиси Андреас Кристенсен ва "Милан" ярим ҳимоячиси Франк Кессиэ трансферлари Хави учун етарли эмас.
Мутахассис раҳбариятга чап ва ўнг қанот ҳимоячилар, агар Усмон Дембеле жамоани тарк этса, қанот ҳужумчиси ва марказий ҳужумчи сотиб олиш зарурлиги ҳақида маълумот берди.
Шунингдек, Хави учун кўп гол уришга қодир бўлган форвард биринчи ўринда туради.
Аввалроқ, "Барселона" Дортмунднинг "Боруссия" клуби ҳужумчиси Эрлинг Холандни ўз сафига қўшиб олишни режалаштираётгани ҳақида хабар берилганди.
