"Лацио" ҳужумчиси Чиро Иммобиле мухлисларнинг танқидлари ҳақида гапирди.
Аввалроқ форвард Шимолий Македонияга мағлубиятдан сўнг Италия терма жамоасидаги фаолиятини якунлаши мумкинлиги ҳақида хабар берилганди.
“Аввал айтганимдек, танқид футболнинг бир қисми ва мен буни қабул қиламан. Мен қабул қилмайдиган нарса асоссиз танқиддир. Мен мақтов ва танқидни муносиб бўлса қабул қиламан, лекин баъзи одамлар футболчиларни танқид қилишдан завқланишади."
Терма жамоадаги фаолиятингизни якунлайсизми?
"Билмайман, ҳали қарор қилганим йўқ", - деди "Лацио" ҳужумчиси DAZN нашрига.
