Англия Премьер-лигасида айни дамдаги энг узоқ вақтдан бери ишлаб келаётган мураббийлар рўйхати эълон қилинди. Унда ўтган жума кунига қадар "Бёрнли" бош мураббийи Шон Дайч етакчилик қилаётган эди.
У 2012 йилдан буён "Тёрф Мур"да бўлган. Бу эса 3451 кун деганидир. У истеъфо бергач, етакчиликни Юрген Клопп қўлга олди. Немис мутахассиси 2015 йилда мерсисайдликлар сафига келиб қўшилган эди.
Иккинчи ўринда эса "Манчестер Сити" устози Пеп Гвардиола қайд этилади. У 2016 йилдан бери "шаҳарликлар"ни бошқариб келмоқда.