Криштиану Роналду кеча ўзининг клуб ўйинларидаги 50-хет-тригини қайд этди.

Португалиялик 21-асрда Европанинг топ 5 лигаси клублари сафида расмий ўйинларда 50 та хет-трик қайд этган биринчи футболчи бўлди. Роналду “Реал” сафида 44 та, “Ювентус” ва “Манчестер Юнайтед” учун 3 тадан хет-трик қайд этган.

Кеча АПЛ 33-туридан ўрин олган "Манчестер Юнайтед" - "Норвич" (3:2) учрашувидаги хет-трик Роналдунинг фаолиятидаги 60-си бўлди. Улардан 10 тасини Криштиану Португалия терма жамоаси таркибида урган.

37 ёшли ҳужумчи жорий мавсумда клуб сафида 35 та ўйинда майдонга тушиб, 21 та гол урди ва 3 та голли узатмани амалга оширди.