«Бавария» клуби раҳбари Оливер Кан Жером Боатенг ва Давид Алабанинг Мюнхен клубидан кетиши ҳақида ва жамоа ҳимоясида бўлган ўзгаришлар ҳақида гапирди.
«Менга бу ўйинчилар нафақат футболчи, балки инсон сифатида ҳам ёқади. Лекин ўтган мавсумда кўп гол ўтказиб юбордик. Ҳозирда эса жамоамиз янада барқарор ўйин кўрсатмоқда», - дея Каннинг сўзларидан иқтибос келтиради Sport1.de.
Эслатиб ўтамиз, Боатенг ҳам, Алаба ҳам ўтган ёзда «Бавария»ни тарк этганди. Жорий мавсумда 33 ёшли Боатенг Франциянинг «Лион» клуби сафида 22 та ўйин ўтказиб, 2 та голли узатмани амалга оширди. 29 ёшли Алаба «Реал» сафида 42 ўйинда 2 та гол урди ва 3 та голли узатмани амалга оширди.
