«Севилья» бош мураббийи Хулен Лопетеги «Реал»га қарши (2:3) ўйиндан кейин ўз фикрлари билан ўртоқлашди.

«Биз ғалаба қозонишимиз керак эди. Биринчи бўлимда биз анча яхши ўйнадик. Танаффусдан кейин ҳам ҳужум қилдик, аммо иккинчи голдан кейин ўйинни ташлаб қўйдик. Улар тезда битта гол уриб, руҳий томондан бизга зарба берди.

Кўриниб турибдики, улар биринчи бўлимда озчиликда қолиши керак эди. Ҳакам Камавинга қизил карточка кўрсатмади. Винисиус билан боғлиқ вазиятда эса, рефери тўғри қарор қилди»,- деди Лопетеги ўйиндан кейин.

«Реал»га ютқазган «Севилья» 60 очко билан Ла Лига турнир жадвалида учинчи ўринда қолди. «Барселона» ва «Атлетико»нинг очколари сони бир хил, аммо каталонияликларнинг захирада ўйналмаган иккита учрашуви бор. «Реал Мадрид» энг яқин таъқибчилардан 15 очко олдинда.