«Sevilya» bosh murabbiyi Xulen Lopetegi «Real»ga qarshi (2:3) o‘yindan keyin o‘z fikrlari bilan o‘rtoqlashdi.
«Biz g‘alaba qozonishimiz kerak edi. Birinchi bo‘limda biz ancha yaxshi o‘ynadik. Tanaffusdan keyin ham hujum qildik, ammo ikkinchi goldan keyin o‘yinni tashlab qo‘ydik. Ular tezda bitta gol urib, ruhiy tomondan bizga zarba berdi.
Ko‘rinib turibdiki, ular birinchi bo‘limda ozchilikda qolishi kerak edi. Hakam Kamavinga qizil kartochka ko‘rsatmadi. Vinisius bilan bog‘liq vaziyatda esa, referi to‘g‘ri qaror qildi»,- dedi Lopetegi o‘yindan keyin.
«Real»ga yutqazgan «Sevilya» 60 ochko bilan La Liga turnir jadvalida uchinchi o‘rinda qoldi. «Barselona» va «Atletiko»ning ochkolari soni bir xil, ammo kataloniyaliklarning zaxirada o‘ynalmagan ikkita uchrashuvi bor. «Real Madrid» eng yaqin ta’qibchilardan 15 ochko oldinda.