«Ювентус» «Лацио» ярим ҳимоячиси Сергей Милинкович-Савич қизиқиш билдирмоқда. Манбага кўра, туринликлар шартномага Николо Фажолини қўшиш ҳақида ўйламоқда.

Миш-мишларга кўра, «Лацио» ўз етакчисини ёзда сотишга ва тушган маблағни жамоанинг бошқа позицияларини кучайтиршга сарфлашга тайёр. 27 ёшли серб футболчисига Европанинг бир қатор топ-клублари, жумладан, «Ювентус», «ПСЖ» ва «Манчестер Юнайтед» каби жамоалар қизиқиш билдирмоқда.

Футболчининг агенти Матей Кежман бир қанча вақтдан бери «Ювентус» билан музокаралар олиб бормоқда, деб хабар беради Calciomercato. Турин клуби эса келишувга 21 ёшли Фажолининг қўшилиши Милинкович-Савичнинг нархини пасайтиришга ёрдам беради дея умид қилмоқда.