Жоау Феликс мавсумнинг қолган қисмини ўтказиб юборади.
"Атлетико" клуби матбуот хизматининг тарқатган хабарига кўра, 22 ёшли португалиялик чап соннинг мушакларидан жароҳат олган.
Ярим ҳимоячи Том Лемарда ҳам худди шундай жароҳат бор. Ла Лиганинг 32-туридан ўрин олган «Эспаньол»га қарши ўйинда (2:1) иккала футболчи ҳам биринчи бўлимдан сўнг алмаштирилди.
Феликс ўзининг "Инстаграм"даги расмий саҳифаси орқали бу мавсумда майдонга тушмаслигини маълум қилди.
Жоау учинчи мавсумини «Атлетико»да ўтказмоқда. У жорий мавсум 35 ўйинда 10 та гол урди ва 6 та голли узатмани амалга оширди.
