Joau Feliks mavsumning qolgan qismini o‘tkazib yuboradi.

"Atletiko" klubi matbuot xizmatining tarqatgan xabariga ko‘ra, 22 yoshli portugaliyalik chap sonning mushaklaridan jarohat olgan.

Yarim himoyachi Tom Lemarda ham xuddi shunday jarohat bor. La Liganing 32-turidan o‘rin olgan «Espanyol»ga qarshi o‘yinda (2:1) ikkala futbolchi ham birinchi bo‘limdan so‘ng almashtirildi.

Feliks o‘zining "Instagram"dagi rasmiy sahifasi orqali bu mavsumda maydonga tushmasligini ma’lum qildi.

Joau uchinchi mavsumini «Atletiko»da o‘tkazmoqda. U joriy mavsum 35 o‘yinda 10 ta gol urdi va 6 ta golli uzatmani amalga oshirdi.