"Андижон" клуби Ўзбекистон кубоги гуруҳ босқчи 3-тури доирасидаги "Арал Самали"га қарши ўйинни ўтказиш учун Нукусга бормайдиган бўлди. Бу ҳақида "бургутлар" матбуот хизмати хабар берди.
"Маълумки, Ўзбекистон Кубоги 3-тур доирасидан ўрин олган “Арал Самали” – “Андижон” учрашуви 20 апрель куни Нукусда ўтказилиши лозим эди", - дейилади клуб баёнотида.
"Жамоамиз режага асосан бугун куннинг иккинчи ярмида Тошкентга йўлга чиқиши ва эрталаб тонгда самолёт орқали Нукусга жўнаб кетиши кўзда тутилганди. Лекин охирги пайтларда клубда юз бераётган молиявий муаммолар якунда “Андижон” клубининг Нукус сафарини амалга ошириши учун тўсқинлик қилди.
Шу сабабли “Андижон” жамоаси “Арал Самали” майдонида ўтказилиши керак бўлган учрашув учун бора олмайди ва бунинг учун мухлисларимиздан узр сўраймиз!", - дея қўшимча қилинади "Андижон" клуби матбуот хизмати берган хабарда.
"Андижон" матбуот хизмати.
