«Торино» клуби ва Италия терма жамоаси ҳужумчиси Андреа Белотти фаолиятини МЛСда давом эттириши мумкин. Бу ҳақда Италия ОАВлари хабар бермоқда.
Белотти «Торино» билан шартномасини узайтиришдан бош тортди. Ёзда у эркин агентга айланади.
Манбага кўра, Белотти Канаданинг «Торонто» клубига ўтиши мумкин. Агар МЛС клубининг таклифи молиявий жиҳатдан унга мос келса, Андреа Канадага кўчиб ўтади. МЛС жамоасидан ташқари, «Рома», «Аталанта», «Фиорентина», «Милан» ва «Наполи» каби А сериянинг етакчи клублари ҳам Белоттини ўз сафига қўшиб олмоқчи.
