«Челси» бош мураббийи Томас Тухель Ромелу Лукаку ҳақида фикр билдирди. Хабарингиз бор, бу мавсум бельгиялик «кўклар» мухлисларнинг умидларини оқлай олмаяпти.
«Лукаку ҳеч қандай ёрдамга муҳтож эмас. Ромелу нормал ҳолатда, у биз унга ишонишимизни, уни меҳнатларини қадрлашимизни билади.
Лукаку формасини тиклаётган пайтда жароҳат олди. Шунинг учун у «Пэлас»га қарши баҳсда ўйнамади. Ромелу ўзининг энг яхши формасини қайтариши ва гол уриши керак. Бу уни янги ютуқлар сари ундайди», - дейди немис мутахассиси.
