Ўзбекистон кубоги мусобақасининг гуруҳ босқичи 3-туридан ўрин олган "Сўғдиёна" - "Янгиер" (5:0) учрашувидан сўнг мезбонлар бош мураббийи Улуғбек Бақоев ўз фикрларини билдириб ўтди.
"Олдимизда гуруҳ босқичидан чиқиш вазифаси турган эди. Жамоамиз буни уддалади. Биринчи бўлимнинг дастлабки дақиқаларидаёқ тезкор гол уриб ўйинни ўз назоратимизга олдик. Йигитлар ҳар икки бўлимда рақибдан устун эканликларини намойиш этишди. Мухлисларимизни ва жамоамиз аъзоларини ғалаба билан табриклайман. "Янгиер" жамоасига навбатдаги учрашувларда омад тилаб қоламан" - дейди жиззахликлар устози.
