«Челси» бош мураббийи Томас Тухель жамоасининг «Арсенал»дан учралган мағлубияти ҳақида фикр билдирди.

«Стэмфорд Бриж»да кечган Лондон дербисида «канонирлар» 4:2 ҳисобида ғалаба қозонишди.

«Бу ерда таҳлил қилинадиган ҳеч нарса йўқ. Биз «Брентфорд» ва «Реал»га қарши ўйинларда сабоқ олдик деб ўйлагандик, афсуски, бундай эмас экан. Баъзи хатоларга умуман тушунмадим. Агар сиз уларни яна такрорласангиз, ғалаба қозона олмаймиз. Рюдигернинг йўқлиги? Гап индивидуал ўйинчиларда эмас - тўғри тактика танлашда», - деди немис мутахассиси.

Тухель майдон сифатини ҳам танқид қилди: «Бу баҳонадек туюлиши мумкин, аммо бизда ҳақиқатан ҳам ёмон майсали майдон бор. Бу омил бизга қарши ўйнайди».