«Chelsi» bosh murabbiyi Tomas Tuxel jamoasining «Arsenal»dan uchralgan mag‘lubiyati haqida fikr bildirdi.
«Stemford Brij»da kechgan London derbisida «kanonirlar» 4:2 hisobida g‘alaba qozonishdi.
«Bu yerda tahlil qilinadigan hech narsa yo‘q. Biz «Brentford» va «Real»ga qarshi o‘yinlarda saboq oldik deb o‘ylagandik, afsuski, bunday emas ekan. Ba’zi xatolarga umuman tushunmadim. Agar siz ularni yana takrorlasangiz, g‘alaba qozona olmaymiz. Ryudigerning yo‘qligi? Gap individual o‘yinchilarda emas - to‘g‘ri taktika tanlashda», - dedi nemis mutaxassisi.
Tuxel maydon sifatini ham tanqid qildi: «Bu bahonadek tuyulishi mumkin, ammo bizda haqiqatan ham yomon maysali maydon bor. Bu omil bizga qarshi o‘ynaydi».
