«Челси» ҳужумчиси Тимо Вернер кеча «Арсенал»га қарши дербидаги жамоасининг мағлубияти ҳақида фикр билдирди. Эслатиб ўтамиз, биринчи бўлимда Вернер ўйинда узоқдан йўллаган зарбаси билан ҳисобни тенглаштирганди.
«Албатта, гол уриш ёқимли. Лекин мен жамоавий спортда ўйнайман. Мағлубиятга учраганимиз учун голим мени хурсанд қилмади. Охирги учта уй учрашувида жуда кўп гол ўтказиб юбордик, аммо кучлироқ бўлиб қайтишни истаймиз. Якшанба куни бизни ўз уйимизда яна бир муҳим ўйин кутиб турибди», - деди Вернер ўйиндан сўнг.
Эслатиб ўтамиз, Тимо Вернер «Челси» сафида сўнгги тўртта ўйинда учта гол ва битта голли узатмани амалга оширди.
