"Валенсия" бош мураббийи Унаи Эмери Испания чемпионати 37-турида "Вильярреал" устидан эришилган ғалабадан (1:0) сўнг мавсум якунига етгач "Спартак"ка ўтиши мумкинлиги ҳақидаги хабарларни тасдиқлади.
"Уч йил кетма-кет учинчи ўринни эгаллаш осон иш эмас. Бунинг устига икки турнир - Европа лигаси ва Испания кубоги ярим финалларига етиб келганимизни ҳам унутманг. Менинг келажакдаги фаолиятимга келсак, "Спартак" - олдимда турган вариантларнинг бири. Ўтган йиллар давомида "Валенсия"да ўзимни жуда яхши ҳис қилдим. Бу ерда мени жуда яхши тушунишади", - дея Эмерининг сўзларини келтиради noticias.lainformacion.com
