Юлиан Нагельсманн «Бавария»нинг Бундеслигадаги эҳтимолий чемпионлиги ҳақида фикр билдирди.

23 апрель, шанба куни «Бавария» ўз майдонида Дортмунднинг «Боруссия» жамоаси билан ўйнайди. Ғалаба қозонган тақдирда Мюнхен клуби кетма-кет 10 марта Германия чемпионига айланади.

- Биламан, Мюнхенда чемпионатдаги ғалабани бироз камроқ қадрлашади. Лекин бу барибир жуда яхши ютуқ ва энг ҳаққоний кубок. Мен буни интиқлик билан кутяпман. Умид қиламанки, ўйинчилар ҳам шундай ҳис қилишади ва бундан мотивация олишади.

Мен учун соврин жуда муҳим. Кубокларни олиш муҳим, бу кундалик ишларга яхши таъсир қилади. Мен амбицияликман, сўнгги бир неча ҳафта мен учун ғамгин бўлди. Лекин биринчи марта қўлимга салат идишини олсам хурсанд бўламан.

- Мавсум омадли келдими?

- Савол шундаки, сиз муваффақиятни қандай аниқлайсиз. Менинг ажойиб ишим бор. Менга футбол мураббийи бўлиш ёқади. Албатта, охирги уч ҳафта ичида бошдан кечирганимиздан кўра ёқимли дақиқалар бор. Лекин мен боримни беришда давом этаман.

- «Бавария» чемпионлик кечаси тайёрлаяптими?

- Тасаввур қила оламанки, бизда нимадир режалаштирилган. Лекин биринчи навбатда иш ва рақибга эътибор қаратаман. Агар чемпион бўлсак, Мариенплацда албатта нимадир содир бўлади. Бизда клубда бу ишни бажарадиган икки киши бор.

- Жорий мавсумдан қандай хулосаларга келдингиз?

- Албатта, мавсум якунида ўзингизга савол берасиз. Биз баъзи тузатишлар киритамиз, лекин мен ўз услубимга катта ўзгаришлар киритмайман. Келгуси мавсумда мен яхши қилмаган нарсаларимизни яхшилашга ҳаракат қиламан ва яхши қилганимизни сақлаб қоламан” - деди «Бавария» устози.