Yulian Nagelsmann «Bavariya»ning Bundesligadagi ehtimoliy chempionligi haqida fikr bildirdi.
23 aprel, shanba kuni «Bavariya» o‘z maydonida Dortmundning «Borussiya» jamoasi bilan o‘ynaydi. G‘alaba qozongan taqdirda Myunxen klubi ketma-ket 10 marta Germaniya chempioniga aylanadi.
- Bilaman, Myunxenda chempionatdagi g‘alabani biroz kamroq qadrlashadi. Lekin bu baribir juda yaxshi yutuq va eng haqqoniy kubok. Men buni intiqlik bilan kutyapman. Umid qilamanki, o‘yinchilar ham shunday his qilishadi va bundan motivasiya olishadi.
Men uchun sovrin juda muhim. Kuboklarni olish muhim, bu kundalik ishlarga yaxshi ta’sir qiladi. Men ambisiyalikman, so‘nggi bir necha hafta men uchun g‘amgin bo‘ldi. Lekin birinchi marta qo‘limga salat idishini olsam xursand bo‘laman.
- Mavsum omadli keldimi?
- Savol shundaki, siz muvaffaqiyatni qanday aniqlaysiz. Mening ajoyib ishim bor. Menga futbol murabbiyi bo‘lish yoqadi. Albatta, oxirgi uch hafta ichida boshdan kechirganimizdan ko‘ra yoqimli daqiqalar bor. Lekin men borimni berishda davom etaman.
- «Bavariya» chempionlik kechasi tayyorlayaptimi?
- Tasavvur qila olamanki, bizda nimadir rejalashtirilgan. Lekin birinchi navbatda ish va raqibga e’tibor qarataman. Agar chempion bo‘lsak, Mariyenplasda albatta nimadir sodir bo‘ladi. Bizda klubda bu ishni bajaradigan ikki kishi bor.
- Joriy mavsumdan qanday xulosalarga keldingiz?
- Albatta, mavsum yakunida o‘zingizga savol berasiz. Biz ba’zi tuzatishlar kiritamiz, lekin men o‘z uslubimga katta o‘zgarishlar kiritmayman. Kelgusi mavsumda men yaxshi qilmagan narsalarimizni yaxshilashga harakat qilaman va yaxshi qilganimizni saqlab qolaman” - dedi «Bavariya» ustozi.
