Франция чемпионатининг 33-туридан ўрин олган ўйинда «Марсель» ўз майдонида «Нант» жамоасини қабул қилиб, 3:2 ҳисобида ғалабани қўлга киритди.
Учрашувда иккита голни Димитри Пайет киритди. Қизиқарли томони шундаки, Пайет ҳар икки голни ҳам пенальтидан киритди. Жорий мавсумда "Марсел"нинг пенальтидан киритган голлари сони ўнтага етди.
Бу Европанинг "кучли бешлик" чемпионатлари орасида энг яхши кўрсаткичдир. Умуман олганда, «Марсель» жорий мавсумда 55 та гол урди, бу Лига 1да «ПСЖ» ва «Ренн»дан кейин учинчи ўринда.
Ҳозирда марселликлар турнир пешқадами «ПСЖ» жамоасидан 15 очкога ортда қолиб, турнир жадвалида иккинчи ўринда бормоқда.
