Мадриднинг “Атлетико” клуби ҳужумчиси Антуан Гризманн клубдаги фаолияти давомидаги энг севимли голларини айтди.

“Ўзимга ёқадиган 2 та севимли голим бор. Биринчиси "Реал Сосьедад"да ҳаракат қилаётган вақтим "Лион" дарвозасига Чемпионлар лигасида киритган голим. Иккинчиси - "Ванда Метрополитано"да "Малага" дарвозасига киритилган биринчи гол. Менга у ёқади, чунки унинг шарофати билан менинг исмим клуб ва стадион тарихига кирди", - дея Гризманннинг сўзларидан иқтибос келтирган AS.

Эслатиб ўтамиз, франциялик ҳужумчи фаолияти давомида “Реал Сосьедад”, “Барселона” ва “Атлетико” клубларида ўйнаган.

Гризманн жорий мавсумда барча турнирларда 31 та ўйинда майдонга тушиб, 8 та гол урди ва 4 та голли узатмани амалга оширди.