"Лейпциг" ярим ҳимоячиси Дани Ольмо фаолиятини "Барселона"да давом эттириши мумкин. Испан клуби 23 ёшли футболчининг ўйинларини кузатиб бормоқда, дея хабар берди Экрем Кўнур.
Манбага кўра, каталонияликларнинг қийин молиявий ҳолати трансферга тўсқинлик қилиши мумкин.
Маълумот учун, Ольмо "Барса" тарбияланувчиси. У 2007 йилдан 2014 йилгача Каталония клубининг турли хил ёшдаги таркибларидан ҳаракат қилган.