"ПСЖ" ҳужумчиси Мауро Икарди ёзда жамоани тарк этиши мумкин. Жамоа раҳбарияти 29 ёшли аргентиналик футболчига янги жамоа излаши мумкинлигини айтди. Бу ҳақида Le'Parisen нашри хабар берди.
Жорий мавсумда ҳужумчи Франция чемпионатининг 23 та ўйинида 4 та гол урди. Икардининг парижликлар билан шартномаси 2024 йилнинг ёзига қадар тузилган.
Эслатиб ўтамиз, аввалроқ футболчи жароҳат сабабли мавсумнинг қолган қисмини ўтказиб юбориши мумкинлиги хабар қилинганди.
Маълумот ўрнида, 2019 йилда "ПСЖ" Икарди учун "Интер"га 58 миллион евро тўлаган.