"PSJ" hujumchisi Mauro Ikardi yozda jamoani tark etishi mumkin. Jamoa rahbariyati 29 yoshli argentinalik futbolchiga yangi jamoa izlashi mumkinligini aytdi. Bu haqida Le'Parisen nashri xabar berdi.
Joriy mavsumda hujumchi Fransiya chempionatining 23 ta o‘yinida 4 ta gol urdi. Ikardining parijliklar bilan shartnomasi 2024 yilning yoziga qadar tuzilgan.
Eslatib o‘tamiz, avvalroq futbolchi jarohat sababli mavsumning qolgan qismini o‘tkazib yuborishi mumkinligi xabar qilingandi.
Ma’lumot o‘rnida, 2019 yilda "PSJ" Ikardi uchun "Inter"ga 58 million yevro to‘lagan.