«Манчестер Юнайтед»га янги тайинланувчи мураббий Эрик Тен Хаг таркибни кучайтириш учун ўз режаларига бир қатор футболчиларни киритган. Қуйида улар ҳақида қисқача тўхталиб ўтамиз.
Харри Кейн («Тоттенхэм», 28 ёш)
Роналду, Санчо ва Фернандеш бўлган таркибда номинал марказий ҳужумчини кўрмаяпмиз. Бу жамоани, унинг мухлислари ва «Манчестер Юнайтед» афсоналарини масхара қилмоқда. Кейн Премьер-лигани яхши билади, «шпорлар» билан тўртинчи ўрин учун курашга бўлган қизиқиш унда йўқолди ва «Манчестер Юнайтед»га Тен Хагнинг келиши Харрини «қизил иблислар»нинг омадли юлдузига айлантириши мумкин.
Янги мураббий «Аякс»да марказий ҳужумчисиз ўйнади, аммо Аллер билан бу янада қизиқарли бўлди. Кейн «Манчестер Юнайтед» учун мантиқий нишон ва Гвардиола уни қўлга киритишга ҳаракат қилгани бежиз эмас. Футбол оламининг энг яхши таҳлилчилари Харри ҳали Премьер-лигада ажойиб футбол кўрсатиши мумкинлигига аминлар.
Антонио Рюдигер («Челси», 29 ёш)
Немис ҳимоячиси Премьер-лигага мослашди, унинг жамоаси мавсумнинг кучли уч ҳимоячисига эга. Сиз тахмин қилганингиздек, «Манчестер Юнайтед» мудофаа борасида анча паст – ўн иккинчи ўринда. Жамоа «Астон Вилла» ва «Бёрнли»дан кўра кўпроқ гол ўтказиб юборган. Рюдигер ёзда эркин агентга айланади ва унинг вакиллари ёзги трансферлар ойнасида фаолликни оширсалар ажаб эмас. У «Реал Мадрид» ва «Бавария» билан боғланиш ҳуқуқига эга эди. Немиснинг ўзи «Челси»нинг янги хўжайинларини кутишга қарор қилди, чунки у Лондонда қолишга тайёр.
Лекин бунинг учун катта маблағ талаб қилинади. Янги хўжайинлар билан клуб жиддий муаммоларга дуч келиши мумкин. Рюдигер эркин агент мақомига эга бўлади ва агар Тен Хаг уни «Манчестер Юнайтед» яхши танлов эканлигига ишонтирса, Варан билан бирга ажойиб тандем кўришимиз мумкин. Бечора Магуайр эса захира ўриндиғида қолдирилиши мумкин. Унинг уйини портлатиш билан таҳдид қилиш жиноий жавобгарлик ҳисобланади, бундай «ҳазиллар» қонун доирасида тўлиқ жазоланиши керак.
Деклан Райс (Вест Хэм, 23 ёш)
Кейн навқирон футбол ёшидан анча узоқлашиб бормоқда. У ёзда 29га тўлади. Аммо Райс келажакка сармоя тикиш учун ажойиб вариант. Албатта, Жейми Каррагернинг «МЮ»нинг «болғачилар»га бўлган қизиқиши ҳақида ҳазиллари анча кўп. «Вест Хэм»да Мойес анча яхши ишламоқда. Дэвид жамоасининг марказий ярим ҳимоячиси ҳали ўз сифатларини тўлиқ юзага чиқармади. Унда жамоа билан ишлаш кўникмалари камлиги сабабли терма жамоа йиғинларига камроқ чақирилади. Ҳозирча у фақат индивидуал қирраларини кўрсатмоқда. Аммо «Манчестер Юнайтед» уни анчадан бери кузатиб келади. Ягона муаммо шундаки, чехиялик ва «Вест Хэм»даги бошқа акциядорларнинг кўп пул ишлашга бўлган истагидир. Мойес эълон қилган сумма футболчининг бозор қийматидан анча юқори.
Кристофер Нкунку («Лейпциг», 24 ёш)
Футболчи ажойиб мавсумни ўтказмоқда. У 44 ўйинда 30 та гол урди ва 19 та голли узатмани амалга оширди. Шу нарсани инобатга олиш керакки, дарҳақиқат, у «Бавария»да эмас, балки йўл-йўлакай мураббийни алмаштирган «Лейпциг»да ўйнамоқда. Ҳозирда унга топ-клублар томонидан автоматик равишда эътибор қаратилган. Аммо потенциал харидорларни нимадир хавотирга солмоқда, чунки Кристофернинг хизматларига номзодлар рўйхатида у тарбияланган «ПСЖ», шунингдек, «Реал» ёки «Манчестер Сити» эмас, балки «Арсенал», «Милан» ва «Интер» каби клублар қизиқиш билдирган.
Булар ҳам албатта, яхши жамоалар, лекин Чемпионлар лигаси ғолиблиги учун асосий даъвогарлар эмас. Нкунку Рагникнинг «Лейпциг» билан алоқалари яхшилигига ишонч ҳосил қилиши мумкин, аммо бу ҳолатда «қизил иблислар» Роналду билан хайрлашишларига тўғри келади. Бунинг эса содир бўлиши даргумон, шунинг учун биз Рэшфорднинг кетишини тахмин қиламиз, аммо Криштиану Манчестерда бўлганида Кристофер билан шартнома имзоланиши даргумонлигича қолаверади.
Дарвин Нуньес («Бенфика», 22 ёш)
Премьер-лигадаги ҳар бир мураббий ўзига хос Луис Суаресни жамоасига қўшиб олишга қарши эмас. Асосийси, бу уругвайлик ёш Форланнинг «Манчестер Юнайтед»даги тақдирини такрорламайди - Фергюсон даврида мослашиш анча осон бўлган бўлсада, Диего бу ерда ўйнай олмади. Энди эса чалкашликлар янада кўпроқ. Аммо Леви Кейнни Премьер-лигадаги рақибларига қўйиб юбормаса, Тен Хаг ўзи яхшилаб ўрганган ҳужумчини Манчестерга олиб кетиши мумкин.
«Бенфика» «Аякс»ни Чемпионлар лигасидан чиқариб юборди, Нуньес Амстердамда ғалаба тўпини киритди. Кўпгина уругвайликлар каби қизиқарли ҳужумчи ва стратегия нуқтайи назаридан Харри Кейндан ҳам қулайроқ танлов бўлиши мумкин. Невилл ва Де Хеа «Манчестер Юнайтед»даги ички муҳит тафсилотларини оммага яхши етказишди, натижада футболчилар ўзларига бўлган ишончларини йўқотдилар. Психология биринчи ўринда, «шпорлар»нинг узоқ муддатли етакчиси эса жароҳатлари ва мағлубиятлари билан янги жамоаси сафини тўлдириши мумкин. Дарвин Нуньес анча янги ном, у кўпроқ кучга эга, аммо тажрибаси камроқ.
«Манчестер Юнайтед»нинг ёзги трансфер ойнасида янги ўйинчиларнинг тўлиқ рўйхатини кўриш қизиқ, чунки Рангник бир неча йил ичида 6-10 та янги ўйинчини эълон қилди. Ва бу автоматик равишда ажралиш ҳақида суҳбатга олиб келади. Трансфер бюджети 200 миллион фунт стерлинг атрофида бўлади, аммо трансфер савдосидан ёки ҳеч бўлмаганда ҳар доим ҳам фойдали бўлмаган юлдузларнинг маошидан пул ишлаш учун жойлар етарли. Эрик тен Хаг ўз шартномасига трансферларга вето ҳуқуқини қўйиш ҳақидаги бандни тасодифан киритмаган. Янги келганлар билан хатоларга йўл қўйилса, барча уринишлар бесамар кетади. Бу ҳолатда бир-икки йилдан кейин «Манчестер Юнайтед» таниб бўлмас ҳолга келиши мумкин. Воқеалар ривожини кузатишда давом этамиз.
