Дортмунднинг “Боруссия” клуби “Зальцбург” ҳужумчиси Карим Адейемини трансфери борасида келишувга эришди. Келишув тез орада расман эълон қилиниши керак, дея хабар беради Sky Germany.

Аввалроқ, 20 ёшли ҳужумчи "асаларилар" билан шахсий шартнома шартларини келишиб олгани ҳақида маълумотлар пайдо бўлганди.

2021/22-йилги мавсумда Адейеми Австрия клуби сафида 39 та ўйинда майдонга тушиб, 20 та гол ва 5 та голли узатмага муаллифлик қилган. Transfermarkt.com портали футболчини 35 миллион еврога баҳоламоқда.