Антонио Рюдигер «Реал»га ўтишга яқин турибди
Жанлука Ди Марционинг хабар беришича, "Қироллик клуби" 29 ёшли футболчи билан шартнома имзолашга яқин турибди.
Чемпионлар лигаси доирасида «Сантяго Бернабеу»да «Челси» жамоасига қарши бўлиб ўтган ўйиндан сўнг, раҳбарият немис футболчисини қўлга киритиш зарурлигига ишонч ҳосил қилди ва "Реал" вакиллари трансфер музокараларини қайта бошлашди.
Қайд этилишича, Мадриднинг «Реал» клуби ҳимоячи билан шартнома имзолашга умид қилмоқда. Битим яқин орада якунланиши мумкин.
Олдинроқ Мадриднинг «Реал» клуби Рюдигерга футболчи учун қолган даъвогарлар билан солиштирганда энг паст маошни таклиф қилаётгани хабар қилинганди.
