"Манчестер Юнайтед" "Челси" ҳимоячиси Антонио Рюдигерга даъвогарлар қаторига қўшилди. Бироқ футболчининг ўзи "Манчестер Юнайтед"га ўтишдан манфаатдор эмас, дея хабар берди инсайдер Фабрицио Романо.
28 ёшли германиялик футболчи икки клуб – “Реал” ва “ПСЖ”дан бирини танлайди.
Аввалроқ Париж клуби футболчига молиявий жиҳатдан фойдалироқ таклиф билан чиққани хабар қилинганди.
Жорий мавсумда Рюдигер лондонликлар сафида 47 та ўйинда майдонга тушиб, 5 та гол урди ва 4 та голли узатмани амалга оширди. Ҳимоячининг клуб билан шартномаси 2022 йилнинг 30 июнига қадар амал қилади.
