"Лейпциг"нинг ҳужумкор ярим ҳимоячиси Кристофер Нкунку тез орада жамоа билан янги шартнома имзолаши мумкин.

Sky Germany хабарига кўра, "Лейпциг" Нкункуга анча юқори маош ва 2023 йилдан кучга кирадиган содиқлик тўловини таклиф қилмоқда. Товон пули тахминан 65 миллион еврони ташкил қилади.

Аввалроқ, ОАВда ярим ҳимоячига "Манчестер Юнайтед", "Арсенал", "Милан" ва "Интер" клублари қизиқиш билдираётгани ҳақида маълумотлар пайдо бўлганди.

Жорий мавсумда футболчи “буқалар” сафида барча турнирлар доирасида 45 та ўйин ўтказиб, 30 та гол урди ва 19 та голли узатмани амалга оширди.