«Манчестер Юнайтед» ярим ҳимоячиси Поль Погба ижтимоий тармоқлардаги саҳифаси орқали мавсум охиригача тикланиши мумкинлигини айтди. Эслатиб ўтамиз, аввалроқ франциялик футболчи Англия чемпионати доирасидаги «Ливерпуль»га қарши сафардаги ўйиннинг биринчи бўлимида жароҳат олган эди.

«Бугун «Арсенал»га қарши ўйинда жамоамга ёрдам бера олмаслигим ҳақидаги хабардан бутунлай хафа бўлдим. Иложи борича тезроқ тикланиш учун янада кўпроқ ҳаракат қиламан. Умид қиламанки, мавсум охиригача яна ўйнайман. Ҳали ҳеч нарса тугамади», - деб ёзди ярим ҳимоячи «Арсенал»га қарши ўйин олдидан ижтимоий тармоқда.

Бугун «Манчестер Юнайтед» АПЛ доирасида «Арсенал»га меҳмонда 1:3 ҳисобида имкониятни бой берди.